चाडपर्वलक्षित सशस्त्र प्रहरीको सीमा कडाइ

चाडपर्व नजिकिँदै गर्दा भन्सार छलेर भित्र्याइने सामान रोक्न सशस्त्र प्रहरी बलले भारतसँगको सीमा क्षेत्रमा गस्ती, निगरानी र सवारी साधन जाँच बढाएको छ।

अनलाइनखबरका अनुसार कञ्चनपुरमा सशस्त्र प्रहरीका टोलीले १ लाख ५० हजार रुपैयाँ बराबरको विद्युतीय स्कुटर, मल, सुर्ती, किराना, विद्युतीय सामान र ३ लाख ७० हजार रुपैयाँ बराबरको ७ हजार ४०० प्याकेट पटका बरामद गरेका छन्। पटका नष्ट गरिनेछन् भने अन्य सामान गड्डाचौकीस्थित भन्सार कार्यालयमा बुझाइएको छ। लोकान्तर र नेपाल न्युजका अनुसार झापामा सशस्त्र प्रहरीको नं. २ गणले ३ लाख १६ हजार ५९० रुपैयाँ बराबरको पटका बरामद गरी स्थानीय जनप्रतिनिधि र प्रहरीको उपस्थितिमा नष्ट गरेको छ।