चाडपर्व लक्षित सुरक्षा व्यवस्था कडा पार्न प्रहरी प्रमुखको निर्देशन

नेपाल प्रहरीका महानिरीक्षक (आईजीपी) दानबहादुर कार्कीले तिहार, नेपाल संवत् र छठलगायतका आगामी चाडपर्वलाई लक्षित गरी विशेष सुरक्षा योजना लागू गर्न मातहतका निकायलाई निर्देशन दिएका छन्। अनलाइनखबरका अनुसार बुधबार प्रहरी प्रधान कार्यालयबाट प्रदेशदेखि जिल्लासम्मका प्रहरी प्रमुखहरूसँगको भर्चुअल बैठकमा आईजीपी कार्कीले चोरी, डकैती र अन्य आपराधिक गतिविधि नियन्त्रणका लागि सक्रिय रूपमा प्रहरी परिचालन गर्न जोड दिएका हुन्।