टिकटकले सन् २०२६ को अप्रिलदेखि जुनसम्म सामुदायिक निर्देशिका उल्लंघन गरेको भन्दै नेपालमा २० लाख ३६ हजार १ सय ९१ भिडियो हटाएको छ। बिहीबार, कात्तिक १२ (अक्टोबर २९) मा सार्वजनिक दोस्रो त्रैमासिकको 'कम्युनिटी गाइडलाइन्स इन्फोर्समेन्ट रिपोर्ट' अनुसार, यो सो अवधिमा नेपालबाट प्रकाशित कुल भिडियोको करिब ०.४ प्रतिशत हो।
प्रतिवेदनअनुसार, हटाइएका भिडियोमध्ये ९९.५ प्रतिशत कुनै प्रयोगकर्ताले रिपोर्ट गर्नुअघि नै पहिचान गरी हटाइएका थिए भने ९२.३ प्रतिशत २४ घण्टाभित्रै हटाइएका थिए। थप समीक्षापछि ३३ हजार ५ सय ३ भिडियो पुनःस्थापना गरिएका छन्।
विश्वभर टिकटकले सो त्रैमासिकमा १८ करोड ८० लाखभन्दा बढी भिडियो, १४ करोड ६० लाखभन्दा बढी नक्कली खाता र १३ वर्षमुनिका बालबालिकाको भएको शंका गरिएका करिब २ करोड ७० लाख खाता हटाएको प्रतिवेदनमा उल्लेख छ।
१ लेख
टिकटकको पछिल्लो कार्यान्वयन प्रतिवेदन अनुसार, सन् २०२६ को अप्रिलदेखि जुन महिनाको बीचमा सामुदायिक निर्देशिका उल्लंघन गरेको भन्दै नेपालबाट २० लाखभन्दा बढी भिडियोहरू हटाइएका छन्।
पूरा समाचार पढ्नुहोस्
