सशस्त्र प्रहरी बलको एपीएफ इन्टेलिजेन्स ब्युरोको टोलीले विशेष सूचनाका आधारमा गएराति काठमाडौं महानगरपालिका-३२ स्थित विश्राम गेस्ट हाउसबाट १२० ग्राम ब्राउन सुगरसहित दुई जनालाई पक्राउ गरेको प्रहरीले मंगलबार (कात्तिक १०, अक्टोबर २७) जनाएको छ।
सशस्त्र प्रहरी बलका डीएसपी शैलेन्द्र थापाका अनुसार पाँचथरको फालेलुङ-५ घर भएका ४२ वर्षीय सुन्दर राई र ४२ वर्षीया रविना राईलाई गेस्ट हाउसको कोठा नम्बर ६ बाट ब्राउन सुगर बेचबिखन गरिरहेको अवस्थामा नियन्त्रणमा लिइएको हो। उनीहरूबाट दुई थान मोबाइल र ४ हजार ५५० रुपैयाँ नगद पनि बरामद भएको र दुवैलाई आवश्यक अनुसन्धानका लागि सम्बन्धित निकायमा बुझाइएको थापाले बताए। अनलाइनखबर, लोकपथ र नेपाल खबरले यो समाचार दिएका छन्।
१ लेख
सशस्त्र प्रहरी बलले गएराति काठमाडौंको एक गेस्ट हाउसबाट १२० ग्राम ब्राउन सुगरसहित दुई जनालाई पक्राउ गरेको प्रहरीले मंगलबार (कात्तिक १०, अक्टोबर २७) जनाएको छ।
पूरा समाचार पढ्नुहोस्
