जेठमा सडक दुर्घटनाका मृतकलाई आफ्नै छोरा ठानेर परिवारले दाहसंस्कार गरेका मोरङको लेटाङ नगरपालिका–५ का पदमबहादुर राय दसैँको पूर्णिमा, कात्तिक ९ गते (अक्टोबर २६) जीवितै घर फर्किए। मानसिक स्वास्थ्य कमजोर रहेका राय २०८२ माघदेखि सम्पर्कविहीन थिए। जेठ २६ गते (जुन ९) सुनसरीको चतरा–पकली सडकखण्डमा मोटरसाइकलको ठक्करबाट घाइते एक पैदलयात्रीको भोलिपल्ट विराट शिक्षण अस्पतालमा मृत्यु भएको थियो। रायकी आमाले बेवारिसे शवलाई छोराकै भनी सनाखत गरेपछि परिवारले जेठ २९ गते (जुन १२) चिसाङ खोलामा दाहसंस्कार गरेको थियो। रायले आफू भारतमा रहेको बताएका छन्।
सेतोपाटीका अनुसार परिवारले दुर्घटना बिमाबापत ५ लाख ५० हजार रुपैयाँ बुझिसकेको थियो। मोरङ प्रहरीले उक्त रकम फिर्ता गराउने, अभिलेखमा शवलाई बेवारिसे भनी सच्याउने, सनाखतका कागजात फिर्ता लिने र मृतकको पहिचानका लागि पुनः अनुसन्धान गर्ने जनाएको छ। मृतक को थिए भन्ने अझै खुलेको छैन।
१ लेख
जेठमा सडक दुर्घटनाका मृतकलाई आफ्नै छोरा ठानेर परिवारले दाहसंस्कार गरेका पदमबहादुर राय दसैँको पूर्णिमामा जीवितै घर फर्किएका छन्। अब प्रहरी ती मृतकको पहिचान खोजिरहेको छ।
पूरा समाचार पढ्नुहोस्
